- Hasiera »
- Zer egiten dugu: Giza eskubideak
Giza Eskubideak
Gipuzkoako Foru Aldundiak lehengo legealdian ekin zion giza eskubideak sustatzeko arloari, orduan zegoen Giza Eskubideetarako, Enplegurako eta Gizarteratzeko Departamentuaren bitartez ekin ere. Zeregin hori, ordea, gaur egun, Lankidetzako, Giza Eskubideetako eta Berdintasuneko Zuzendaritzari dagokio, legealdi honen hasieran sortu baitzen, gai horretan urte batzuk lehenago sortutako oinarria finkatzeko eta sendotzeko. Kiroletako eta Kanpo Ekintzako Departamentuaren barruan dagoenez, Zuzendaritza Nagusi honen bidez apustu sendo bat egiten du Departamentuak giza eskubideen eremu horretan jarduerak sendotzearen alde eta jardun eremu berriak zabaltzearen alde.
Testuinguru horretan, Zuzendaritzaren helburu nagusia da gipuzkoarren sentsibilizazioa sustatzea, bakearen eta elkarbizitzaren aldeko kultura bat sortzeko, hartara, giza eskubideekin gizarte aktiboagoa eta konprometituagoa lor dadin. Horretarako, hona hemen jardun ildo nagusiak:
- Tokiko erakundeek giza eskubideen arloan parte har dezaten sustatzea, bakerako, bizikidetzarako eta giza eskubideetarako hezkuntzaren inguruko proiektuen bitartez.
- Gizartea giza eskubideen gaian sentsibilizatzea, arlo horretan lan egiten duten gizarte eragileen lankidetzaren bitartez.
- Giza eskubideen arloan lan aipagarria egin duten Gipuzkoako Lurralde Historikoko pertsonak edo erakundeak aitortu eta ikusgai egitea.
Dokumentazio interesgarria
- GGEE - DIRU LAGUNTZAK
- GIZA ESKUBIDE SARIA
- GIZA ESKUBIDEI BURUZKO BILTZARRA ETA TOPAKETAK
- PRESTAKUNTZA GIZA ESKEUBIDEAK
2009 Kiroletako eta Kanpo Ekintzako Departamentua
Lankidetzako, Giza Eskubideetako eta Berdintasuneko Zuzendaritza Nagusia